Palasyo, pinakakalma ang mga nabiktima ng lindol

 

Nanawagan ang Palasyo ng Malacañang sa publiko na manatiling kalmado pero mapagmatyag, matapos ang magnitude 6.5 na lindol sa Leyte.

Sa pahayag na inilabas ni Presidential Spokesperson Ernesto Abella, nakiusap siya lalo na sa mga residente ng mga apektadong lugar na kumalma muna at paghandaan ang mga posibleng aftershocks.

Kasunod nito ay tiniyak ni Abella na agad na magpaparating ng tulong sa mga naapektuhan ang pamahalaan.

Hinimok rin ni Abella ang mga tao na kumuha ng updates sa website ng PHIVOLCS kaugnay ng pinakahuling impormasyon tungkol sa lindol.