Matapos ang apat na magkakasunod na linggong pagbabawas presyo ng produktong petrolyo, bukas, July 4, ay magpapatupad naman sila ng price increase.
Ang Shell, Phoenix Petroleum, Eastern Petroleum, PTT, Seaoil, Clean Fuel, Unioil, Chevron at Total ay magdadagdag ng P0.30 sa kada litro ng gasolina, P0.70 para sa diesel at P0.55 naman sa bawat litro ng kerosene o gaas.
Alas-sais ng umaga bukas magsisimula ang dagdag singil sa mga petroleum products base sa kanilang mga inilabas na advisories.
Sa kanilang hiwalay na pahayag, sinabi ng Flying V na 12:01 ng madaling araw sila magpapatupad ng dagdag sa presyo ng kanilang mga paninda.
Ang nasabing price increase ay may kaugnayan sap ag-galaw ng presyo ng mga petrolyo sa world market ayon sa Department of Energy.