‘Zyzzyva’ bagong salita na napasama sa Oxford English Dictionary

Nasa 600 bagong mga salita ang napasama sa edisyon ng Oxford English Dictionary.

Sa kanilang June 2017 update, isa sa 600 bagong salita ay ang ‘zyzzyva’ na nangangahulugang tropical weevils o uri ng insekto na makikita lamang sa South America.

Ang ‘zyzzyva’ ay salitang ibinigay ni Thomas Lincoln Casey, isang entomologist mula sa Estados Unidos para ilarawan ang nasabing uri ng insekto.

Kasama sa mga bagong salita at phrases na inilabas ng Oxford English Dictionary ang ‘post-truth’, ‘Brexit’, ‘forced error’, ‘chip and charge’ at ‘career slam’.

Ang zyzzyva ang kasalukuyang pinakahuling salita sa nasabing diksyunaryo.