Isa ang sugatan sa insidente ng pananaksak sa isang mall sa Canada

Sugatan ang isang lalaking teenager sa insidente ng pananaksak sa loob ng Yorkdale shopping center sa Toronto, Canada.

Matinding sugat ang tinamo sa katawan ng biktima na agad isinugod sa ospital.

Ayon sa mga otoridad, tatlong lalaki na nasa edad 18 hanggang 19 ang suspek sa pananksak.

Pinaghahanap na ng mga pulis ang tatlong suspek na hindi pa matukoy kung nasa loob pa ng mall o nagawang makalabas.

Hindi pa rin alam ang motibo sa nasabing insidente.