Pangulong Duterte, inaasahang pangungunahan ang Eid’l Fitr celebration sa Malakanyang

Makalipas ang ilang araw na pahinga, may schedule na si Pangulong Rodrigo Duterte.

Batay sa abiso, pangungunahan ng presidente ang Eid’l Fitr o Hari Raya celebration na gaganapin sa Malacañan Palace alas 7:00 ng gabi.

Nabatid na imbitado rito ang ilang matataas na opisyal ng gobyerno.

Inimbitahan din ang mga lider ng Moro Islamic Liberation Front o MILF.

Nauna nang binanggit ni Duterte na isusumite na ng MILF ang panibagong draft ng Bangsamoro Basic Law o BBL, kasabay ng Eid’l Fitr.

Huling nakita si Duterte nang dumalaw siya sa mga sugatang sundalo sa Cagayan de Oro.

Pero noong sumunod na araw ay hindi walang opisyal na iskedyul ang pangulo, at hindi siya nakita ng publiko at media.