Surigao del Norte, niyanig ng magnitude 5.2 na lindol

Niyanig ng magnitude 5.2 na lindol ang ilang bayan sa Surigao del Norte.

Ayon sa Phivolcs, naitala ang epicenter ng lindol sa 34 kilometers northeast ng Burgos, Surigao del Norte, bandang 3:41 ng hapon.

May lalim ito na 12 kilometers at tectonic ang origin.

Dahil dito, naramdaman ang Intensity IV sa Burgos, Surigao del Norte, Intensity III sa Tacloban City at Palo sa Leyte, at Surigao City.

Naramdaman naman ang Intensity II sa Libjo, San Jose, Cagdianao at Dinagat Islands.

Pero sinabi ng Phivolcs na wala naman inaasahang pinsala at aftershocks na idudulot ang nasabing pagyanig.