Dagdag singil sa taripa sa Manila North Harbour, aprubado na

Inaprubahan na ng Philippine Ports Authority (PPA) ang 24 pecent na dagdag sa singil sa taripa ng cargo handling sa Manila North Harbour Port Inc.

Sa kabila ng mga protesta ng kanilang mga kliyente, pinagtibay ni PPA general manager Jay Daniel Santiago ang Memorandum No. 4, kung saan nakasaad na ipatutupad ang dagdag taripa sa tatlong tranches.

Ang unang tranch na 8 percent na dagdag sa tariff rates ng MNHPI ay ipatutupad ngayong taon, habang ang dalawa pang tranches ay ipatutupad naman sa 2018 at 2019.

Unang nag-petisyon ang MNHPI ng 37.45 percent na dagdag sa taripa, ngunit matindi itong binatikos ng mga port stakeholders.