Bilang ng mga apektado ng landslide sa China, aabot sa 100 katao

Aabot sa isandaang katao ang pinangangambahang natabunan sa pagguho ng lupa sa isang village sa Sichuan province sa timog kanlurang bahagi ng China, umaga ng Sabado.

Sa report ng state news agency na Xinhua, gumuho ang bahagi ng bundok sa Xinmo.

Tinatayang nasa 40 bahay ang natabunan at nabarahan din ng debris ang malaking bahagi ng ilog na nasa lugar.

Nagpapatuloy ang rescue operation sa insidente.