Driver’s license na may 5-year validity ipapamahagi na sa Agosto
Sisimulan na ng Land Transportation Office (LTO) sa buwan ng Agosto ang pamamahagi ng driver’s license na mayroong 5-year validity.
Ayon kay Transportation Secretary Arthur Tugade, ang five-year-valid license cards ay ipamamahagi sa nasa 3 milyong drivers na nag-apply o mag-renew ng lisensya nila mula pa noong October 17, 2016.
Sa ngayon iniimprenta na ng LTO ang mga lisensya na gawa sa polycarbonate plastic at mas may pinaigting na security features.
Noong April 13, iginawad ng DOTr ang P830-million na halaga para sa pagbili ng five-year license cards sa DERMALOG Identification Systems-CFP Strategic Transaction advisors-NEXTIX Inc. consortium.
Sasapat ang suplay hanggang sa 2018 ayon sa LTO.
Samantala, pinag-aaralan na rin ng LTO na magbuo ng online applications para sa mga driver na walang violations o citations.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.