Ilocos Norte at Compostela Valley, niyanig ng lindol

Magkasunod na tumama ang lindol sa Ilocos Norte at sa Compostela Valley, Biyernes ng umaga.

Unang niyanig ng magnitude 3.0 na lindol ang bayan ng Adams sa lalawigan ng Ilocos Norte.

Ayon sa Phivolcs, may lalim lang na 13 kilometers ang pagyanig na naganap alas 4:59 ng umaga.

Naitala ang epicenter nito sa 9 kilometers West ng Adams.

Alas 7:48 naman ng umaga nang yanigin ng magnitude 3.1 na lindol ang Pantukan, Compostela Valley.

Naitala ang pagyanig sa 11 kilometers West ng Pantukan na may lalim na 30 kilometers.

Ayon sa Phivolcs hindi inaasahang magdudulot ng pinsala at aftershocks ang dalawang lindol.