Ito’y matapos ipag-utos ni Justice Secretary Vitaliano Aguirre II ang pagpuno ng iba pang piskal na hahawak sa rebellion cases laban sa mga miyembro at sympathizers ng terror group na may pakana ng gulo sa Marawi City.
Ayon sa kalihim, sa oras na dumami pa ang kaso na ihahain laban sa mga terorista ay may nakaantabay na piskalya na siyang didinig sa reklamo.
Kabilang sa mga napiling standby prosecutor ay sina Cagayan De Oro Assistant City Prosecutors Alfonso Vicente Jr., Louie Borja, Ansharey Lalia, at Misamis Oriental Assistant Provincial Prosecutors Lito Sanchez at Tadeo Polestico.
Ni-reorganisa rin ng kalihim ang second panel of prosecutors matapos ang voluntary inhibition ni Provincial Prosecutor Mangontawar Gubat.
Hindi naman malinaw kung bakit nag-inihibit sa pagdinig si Gubat. Siya ay pinalitan ni Iligan Deputy City Prosecutor Celso Sarsaba.
Ang iba pang miyemrbo ng panel ay sina Cagayan De Oro Assistant City Prosecutor Abdullah Macagaan at Assistant Provincial Prosecutor Gerald Cecilio Roa.
Binuo ni Aguirre ang four panels of prosecutors na may tig-tatatlong miyembro para magsagawa ng inquest proceedings sa loob ng Camp Evangelista sa Cagayan De Oro.
Sila ang magdedetermina kung dapat o hindi sampahan ng kaso sa hukuman ang mga suspek.