Ayon kay Tomas Victor Mendoza, Senior Vice President ng Transaction Banking Group ng BDO, seryoso umano ang effort na ginagawa ng mga sindikato na gumagamit ng makabagong teknolohiya para makagawa ng makabagong skimming device.
Hindi naman isinawalat ni Mendoza ang makabagong skimming device pero iginiit nito na handa syang ipakita ito sa mga senador na miembro ng senate committee on banks, financial institutions and currencies sa isang executive session.
Samantala, sa ginawang pagdinig ng komite, iginiit ng BDO na hindi hacking kundi skimming lamang ang nangyaring aberya sa kanilang mga ATM.
Sa tala ng BDO umabot sa pitong mga ATM ang nadiskubre nilang ginamitan ng skimming device kamakailan pero sa kabuuan umabot na sa siyamnapu’t limang atm cards ang kanilang na- disable dahil nagamitan ng skimming devices.