Mohammad Noaim Maute, sumailalim na sa inquest sa CDO
Sumailalim na sa inquest proceedings ngayong araw ng Linggo si Mohammad Noaim Maute alyas Abu Jadid para sa kanyang kasong rebelyon.
Siya ay ang pinaka-bata sa pitong Maute brothers, na pawang nanguna sa pagsalakay sa Marawi City.
Ayon kay Department of Justice o DOJ Undersecretary Erickson Balmes, na-inquest si Maute sa Camp Evangelista sa Cagayan de Oro.
Inasistihan si Maute ng dalawang abogado mula sa Public Attorney’s Office o PAO.
Si Abu Jadid, na isang hinihinalang bomb-maker, ay naaresto sa isang bahay sa CDO noong nakalipas na linggo.
Batay sa otoridad, si Abu Jadid ay sangkot sa ilang pagpapasabog sa Mindanao, maging sa pagdukot at pagpatay sa Lanao del Sur noong nakalipas na taon.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.