Militar, nagsagawa ng bagong opensiba sa Marawi

Nagsagawa ng panibagong opensiba ang pamahalaan para mabawi ang mga strategic positions na inukopa ng Islamic State (IS)-linked fighters sa lungsod ng Marawi.

Ayon kay Lt. Col. Jo-ar Herrera, tagapagsalita ng 1st Infantry Division ng Philippine Army, kanilang sinasamantala ang paghina ng Abu Sayyaf at Maute group.

Aniya tinutumbok ng pwersa ng pamahalaan ang sentro ng mga kalaban.

Nanatiling may kakayahan pa ang mga rebelde pero nauubusan na aniya ito ng bala kaya sinasamantala ng pamahalaan ang naturang sitwasyon.

Sa kabila nito, sinabi ni Herrera na kanila pa ring kinakaharap ang parehong problema mula noong simul pa, ang paggamit ng mga kalaban sa mga mosque para sa kanilang mga sniper at ang pagkakaroon ng mga bihag.