Bislig City, Surigao del Sur, niyanig ng magnitude 4.9 na lindol

Niyanig ng magnitude 4.9 na lindol ang Bislig City sa Surigao del Sur.

Ayon sa Phivolcs, naganap ang pagyanig alas 9:44 ng umaga ngayong Biyernes (June 16).

Naitala ang pagyanig sa 6 kilometers North ng Bislig City at may lalim itong 6 kilometers lamang.

Dahil sa nasabing lindol, naitala ang intensity 4 sa Bislig City at intensity 2 naman sa Hinatuan, Surigao del Sur.

Unang iniulat ng Phivolcs na magnitude 4.6 ang tumamang lindol pero makalipas ang ilang minuto ay itinaas sa 4.9 ang magnitude ng pagyanig.