Pasaporte ni Arturo Lascañas, pinakakansela ng DOJ sa DFA

By Dona Dominguez-Cargullo June 15, 2017 - 08:37 AM

Hiniling ng Department of Justice (DOJ) sa Department of Foreign Affairs (DFA) na kanselahin ang pasaporte ng dating pulis na si Arturo Lascañas.

Ayon kay Justice Sec. Vitaliano Aguirre II, tatlo ang warrant of arrest na kinakaharap ni Lascañas sa ngayon.

Ani Aguirre, ngayong nasa ibang bansa si Lascañas, walang indikasyon na ito ay babalik sa bansa kaya dapat nang kanselahin ang kaniyang pasaporte.

Noong Abril pa umalis ng bansa si Lascañas patungong Singapore at mula noon ay hindi ito nagpakita ng intensyon na bumalik ng Pilipinas para harapin ang kaniyang mga kaso.

Sinabi ng kalihim na nakatakda siyang magsumite ng formal request kay DFA Sec. Alan Peter Cayetano para makansela na ang passport ni Lascañas.

Si Lascañas ang self-confessed Davao Death Squad (DDS) hitman na humarap sa mga pagdinig sa senado.

 

 

TAGS: arturo lascanas, Davao Death Squad, DFA, DOJ, arturo lascanas, Davao Death Squad, DFA, DOJ

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.

Your subscription could not be saved. Please try again.
Your subscription has been successful.

Subscribe to our newsletter!

By providing an email address. I agree to the Terms of Use and acknowledge that I have read the Privacy Policy.