Pangulong Duterte, hindi nakadalo sa aktibidad sa Rizal Park para sa Independence Day

By Isa Avendaño-Umali June 12, 2017 - 08:07 AM SHARE(S):
INQUIRER PHOTO | JOAN BONDOC

Kinansela ni Pangulong Rodrigo Duterte ang kaniyang aktibidad sa Rizal Park sa Maynila ngayong araw para pangunahan sana ang selebrasyon ngayong Araw ng Kalayaan.

Ayon kay Presidential spokesperson Ernesto Abella, hindi nakarating sa Rizal Park ang pangulo dahil mayroon itong napaka-importanteng bagay na kailangang asikasuhin.

Hindi naman tinukoy ni Abella kung ano ang mahalagang bagay na kailangang gawin ng pangulo.

Pero ayon kay Foreign Affairs Sec. Alan Cayetano, pagod at puyat si Pangulong Duterte dahil sa pagsalubong nito sa mga labi ng mga sundalong nasawi sa bakbakan sa Marawi.

Kuha ni Isa Umali

Si Cayetano at si Vice President Leni Robredo na lamang ang nanguna sa selebrasyon sa Rizal Park.

Ito sana ang unang pagdalo at pangunguna ng pangulo sa Independence Day celebration bilang president ng bansa.

Kuha ni Isa Umali

Noong nakarang linggo, kinumpirma ng Malakanyang na dadalo si Duterte sa flag raising at wreath laying ceremonies sa Rizal Park.

Nauna nang kinansela ng pangulo ang tradisyunal na Independence Day vin d’honneur na ginagawa taun-taon sa Malakanyang.

Ayon sa palasyo, kailangang asikasuhin ng pangulo ang mga isyu sa Mindanao.

 

TAGS: independence day, Kalayaan, manila, Rizal Park, rodrigo duterte, independence day, Kalayaan, manila, Rizal Park, rodrigo duterte

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.