Tiniyak ng Armed Forces of the Philippines (AFP) na hindi nila iiwan sa ere ang Marawi City.
Ito ay kahit na maubos na o maitaboy na ng tuluyan ng militar ang Maute Group na ngayon ay nakakabakbakan ng tropa ng gobyerno.
Sa katunayan ayon kay AFP spokesperson Brig. Gen. Restituto Padilla, oras na iwan na nila ang lugar, siguradong mas magiging matibay na ang Marawi City.
Giit ni Padilla, mas magiging malakas at mas matibay ang komunidad laban sa terorismo at iba pang banta ng rebelyon ang marawi city.
Nilinaw naman ni Padilla, na hindi lang ang militar ang dapat na kumilos sa reconstruction, rehabilitation and rebuilding phase sa Marawi, kundi maging ang komunidad.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.