5 patay, sa pagtaob ng bangka sa Romblon

(BREAKING) Patay ang limang katao matapos tumaob ang sinasakyan nilang bangka sa karagatang sakop ng Romblon.

Ayon sa Philippine Coast Guard, umalis sa Sibuyan Island ang MB Alan Express 2 kaninang alas 12:00 ng tanghali at patungo sana sa Romblon port.

Pero tumaob ang bangka dahil sa malakas na alon dahilan para masawi ang lima sa mga sakay nito.

Nailigtas naman ng coast guard ang 44 pang sakay ng bangka.