Nasawi ang siyam katao dahil sa mabilis na pagkalat ng wildfire sa Garden Route sa South Africa.
Ayon kay Western Cape local government spokesman James Brent Styan, nakumpirma ang ika-siyam na biktima nang matagpuan ang sunog nang katawan ng isang tatlong taong gulang na bata sa isang gusali.
Sa ngayon ay hirap na hirap na inaapula ng mga bumbero ang 26 na active fires, na pinalala pa ng “storm front.”
Bagaman ito ang nagdulot ng pagbabaha sa kalapit na Cape Town, pinalala naman nito ang sunog sa Knysna at Plettenberg Bay dahil sa pag-ihip ng malakas na hangin.
Umabot na sa 10,000 ang mga residenteng inilikas upang masagip mula sa patuloy na kumakalat na sunog.
Nanatili namang sarado ang mga paaralan sa paligid ng mga nasusunog na lugar.
Tinawag na rin ng mga otoridad ang mga militar upang makatulong sa paglilikas ng mga residente.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.