Binaliktad ng Department of Justice (DOJ) ang desisyon ng Manila Prosecutors Office na nagbabasura sa pagsasampa ng kaso laban sa mga opisyal ng Smartmatic at Commission on Elections (COMELEC).
Inaprubahan na ni Justice Undersecretary Deo Marco ang pagsasampa ng mga kasong paglabag sa Sections (a)(1), 3 at 4 sa ilalim ng Cybercrime Act of 2012, laban kina Nelson Herrera, Frances Mae Gonzales at Rouie Penalba na pawang mga IT experts sa COMELEC.
Kakasuhan rin sina Marlon Garcia at kaniyang mga tauhan na sina Mauricio Herrersa at Neill Baniqued ng Smartmatic.
Gayunman, lusot naman na sa kaso ang project director ng Smartmatic na si Elie Moreno.
Inatasan na ng DOJ ang Office of the City Prosecutor ng Maynila na isampa na ang mga kaso sa korte, at magbigay ng ulat kaugnay nito sa loob ng 10 araw matapos nilang matanggap ang resolusyon.