Post ni Sara Duterte na may bitbit na baril, agaw-atensyon sa social media
Umaani ngayon ng atensyon sa social media ang post ni Davao City mayor Sara Duterte kung saan may bitbit itong isang high powered rifle.
Sa naturang post sa Instagram ni Inday Sara, sinamahan pa niya ito ng caption na nagsasabing handa na ito sa anumang mangyayari.
“Advised to prepare for everything, I’m going down with this baby. Mindanao will never be the same again” bahagi pa ng mensahe ng alkalde at presidential daughter.
Gayunman, nilinaw ng alkalde na bahagi lamang ang larawan ng kanyang ‘photo op’ at hindi ito dapat na seryosohin ng publiko.
Matatandaang nasa ilalim ng martial law ang buong Mindanao matapos ang pagsugod ng Maute terror group sa Marawi City.
Kabilang ang Davao City sa mga lugar na nasa ilalim ng lockdown matapos ang martial law declaration ni Pangulong Duterte.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.