Publiko, hinikayat na maglaan ng panalangin sa mga biktima ng RSW attack at Marawi Siege

Hinikayat ni Manila Archbishop Luis Antonio Cardinal Tagle na isama sa mga panalangin ang mga biktima ng dalawang nangyaring insidente sa bansa sa nakalipas na dalawang linggo.

Ito ay kaugnay sa mga apektadong residente ng nagpapatuloy na kaguluhan sa Marawi City at mga biktima sa nangyaring insidente sa Resorts World Manila.

Nagsimulang magdaos ng misa ang Archdiocese ng Maynila kahapon at tatagal hanggang bukas, June 4.

Samantala, magsasagawa naman ng second collection ang Diocese ng Borongan upang makapag-abot ng tulong sa Marawi City.

Humirit si Borongan Bishop Crispin Varquez sa lahat ng simbahan na magsagawa nito bukas o sa susunod na Linggo, June 11.