Susie Bugante ng SSS, pumanaw na

Pumanaw na ang Vice President for Public Affairs ng Social Security System (SSS) na si Susie Bugante.

Wala pang inilalabas na detalye ang mga malalapit kay Bugante tungkol sa kaniyang pagpanaw, ngunit nilabanan niya ang sakit na cancer.

Sa impormasyong nakalap ng Radyo Inquirer, sumailalim pa sa chemotherapy si Bugante ngayong araw, dahilan kung bakit hindi siya nakapunta sa pulong balitaan ng ahensya.

Bilang opisyal ng SSS, si Bugante rin ay umuupo bilang anchor sa programang “Buti na lang may SSS” sa Radyo Inquirer.