Puwersa ng Marines, dumating na sa Marawi
Dumating na ang puwersa ng Philippine Marines sa Marawi City.
Trak-trak ng mga Marines mula sa Tawi-Tawi ang dumating sa lungsod upang makatulong na mapigil ang puwersa ng Maute terror group.
Makakatulong ng mga ito ang iba pang operating units ng AFP upang hindi na makatakas pa ang mga bandidong grupo.
Hanggang kahapon, makailang ulit na nagsagawa ng bombing runs ang air assets ng Philippine Air Force sa mga lugar na pinagkukutaan ng mga Maute group members.
Ilang pagkakataon rin na narinig ang mga palitan ng putok sa pagitan ng puwersa ng militar at grupo ng Maute.
Nananatili namang mahigpit ang seguridad sa kabuuan ng Marawi City partikular sa mga checkpoints papasok at palabas ng lungsod upang hindi na makatakas pa ang mga ito.
Wala ring kuryente pa rin sa kabuuan ng lungsod.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.