Willie Miller, bukas sa muling pagbabalik sa PBA

Bukas ang 15-year basketball veteran na si Willie Miller sa posibleng panunumbalik sa Philippine Basketball Association (PBA).

Sa panayam ng Inquirer.net, sinabi ni Miller na maaari siyang bumalik sakaling mayroong koponan na kailangan ang kaniyang tulong at nais manalo ng championship.

Ayon pa sa trenta y nuwebe anyos na basketball player, nais niyang ituro ang mga kaalaman at ibahagi ang mga karanasan sa mga future basketball players.

Ito aniya ang kaniyang paraan upang tumulong sa pagpapalawig ng basketball sa bansa.

Samantala, huling naglaro si Miller bilang parte ng Talk N’ Text taong 2016 kung saan pumira siya mismo sa pagsisimula ng Commissioner’s Cup para sa buong season.