AFP, bumalangkas na ng guidelines para sa Martial Law

Matapos italaga ni Pangulong Rodrigo Duterte si Armed Forces of the Philippines Chief of Staff Eduardo Año bilang administrator ng Martial Law, agad nang bumalangkas ang hukbong sandatahang lakas ng Pilipinas ng guidelines para maipatupad ang Batas Militar.

Ayon kay AFP Public Affairs Office chief Marine Col. Edgar Arevalo, naglalamaan ito ng instruction kung paano gagampanan ng mga sundalo sa grounds ang kanilang tungkulin.

Gaya halimbawa ang mga itatayong checkppint, pagtrato sa mga taong dadakipin at pagtiyak na hindi malalabag ang karapatang pantao ng mga Filipino.

Pagtitiyak ni Arevalo, hindi maabuso ng militar ang idineklarang Martial Law ni Pangulong Rodrigo Duterte sa Mindanao region.

Wala aniyang dapat na ikatakot ang mga residente lalo na kung wala naman silang ginagawang anumang paglabag sa batas.