P0.60-P0.70 na dagdag sa presyo ng langis, epektibo na ngayong araw
Nag-anunsyo ang mga kumpanya ng langis na magpapatupad sila ng pagtaas sa presyo ng kanilang mga produkto ngayong araw, May 23.
Sa kanilang magkakahiwalay na abiso, magtataas ng 60 centavos na dagdag sa kanilang diesel ang mga kumpanyang Petron, PTT, Phoenix, Eastern, SeaOil, Shell at Flying V.
May dagdag naman na 65 centavos ang mga nasabing kumpanya sa presyo ng kanilang gasolina.
Magpapatupad rin ng dagdag na 70 centavos sa kerosene ang mga kumpanyang Petron, SeaOil, Shell at Flying V.
Sabay-sabay itong ipapatupad ng mga kumpanya alas-6:00 ng umaga, maliban sa Flying V na nauna nang magpatupad kaninang hatinggabi.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.