Malakanyang hindi nababahala sa pagbagal ng GDP

Nasa tamang landas ang tinatahak ng ekonomiya ng bansa.

Ito ang ginawang pagtitiyak ng Palasyo ng Malakanyang sa kabila ng pagbagal ng paglago ng Gross Domestic Product o GDP sa unang tatlong buwan ng taong kasalukuyan.

Ayon kay Presidential Spokesman Ernesto Abella, patuloy ang pagdagsa sa Pilipinas ng mga mamumuhunan na handang maglagak ng negosyo.

Sinabi pa ni Abella na maaring nasa ibang perspektibo lamang ang nagsasabi na bumagal ang paglago ng GDP.

Nabatid na pumalo lamang sa 6.4 percent ang paglago ng GDP sa unang quarter ng taong 2017, pinakamababa mula sa 6.3 percent na naitala sa fourth quarter noong 2015.