Duterte, hindi na pipilitin ang Kamara na magkaloob ng emergency powers
Hindi na igigiit ni Pangulong Rodrigo Duterte sa Kamara na mabigyan siya ng emergency powers para mapabillis ang mga proyektong tutugon sa mabigat na trapiko sa Metro Manila.
Ayon kay Duterte, may karapatan ang mga mambabatas na magduda kung nangangamba ang mga ito na mauwi sa katiwalian ang emergency powers dahil hindi magkakaroon ng bidding kapag nangyari ito.
Gayunman, ayos lang naman kung gugustuhin ng Kamara na bigyan siya ng emergency powers dahil mapapadali ang proseso rito.
Siniguro naman ni Duterte na hindi magkakaroon ng katiwalian sa ilalim ng kanyang pamumuno.
Aniya, bagaman hindi komportable ang mga mambabatas sa kanyang gabinete, tiniyak niya na hindi niya hahayaan ang korupsyon.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.