Muling haharap si Social Welfare Sec. Judy Taguiwalo sa makapangyarihang Commission on Appointments (CA) bukas, araw ng Miyerkules.
Ito ay upang maibaba na ng 24 mga senador at kongresista ang kanilang desisyon kung kukumpirmahin ba nila o ire-reject si Taguiwalo bilang kalihim ng Department of Social Welfare and Development (DSWD).
Sakaling ma-bypass muli si Taguiwalo, hindi na siya muling maaring tanggapin ng CA dahil sa umiiral na bagong “three-strike rule.”
Dalawang beses na kasing na-bypass si Taguiwalo ng CA.
Matatandaang naging kontrobersyal ang huling pagharap ni Taguiwalo sa CA dahil sa biro ni Sen. Tito Sotto sa kaniya tungkol sa pagiging solo mother.
Samantala, nakatakda namang humarap din sa CA si Agrarian Reform Sex. Rafael Mariano sa susunod na Miyerkules, May 24.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.