UPDATE: Isang warehouse ng mga gulong sa Clark, nasunog
Nasunog ang isang warehouse ng mga gulong sa loob ng Clark Freeport Zone sa Mabalacat, Pampanga.
Sa panayam ng Radyo Inquirer kay Olongapo City Vice Mayor Jong Cortez, pasado alas-tres ng hapon nang magsimula ang sunog sa warehouse ng Yokohama Tires Philippines.
At dahil pawang mga gulong ang nasa warehouse, naging mabilis ang pagkalat ng apoy.
Ayon kay Cortez, dahil sa laki ng sunog ay tumulong na rin ang mga bumbero mula sa Quezon City, Subic Bay Metropolitan Authority o SBMA at Olongapo City Fire & Rescue.
Sa kabila ng sunog, sinabi ni Cortez na walang nasugatan o namatay.
Hindi rin aniya nadamay ang mga kalapit na warehouses o establisimyento ng Yokohama Tires.
Sa ngayon, inaalam pa rin ang sanhi ng sunog.
Kontrolado na rin ang sunog, pero patuloy ang overhauling ang mga fire rescue team at volunteers mula sa SBMA upang matiyak na wala nang apoy.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.