DFA, nagpaliwanag kung bakit no-show si Duterte sa pagbubukas ng Belt and Road Forum
Nagpaliwanag na ang Department of Foreign Affairs o DFA kung bakit wala si Pangulong Rodrigo Duterte sa opeing ceremony ng Belt and Road Forum sa Beijing, China.
Ayon sa DFA, naghahanda si Duterte para sa pagdalo nito sa kanyang key meetings bukas (araw ng Lunes) kasama ang ibang foreign leaders.
Kabilang sa mga posibleng makapulong ng pangulo ay sina Chinese President Xi Jinping at Chinese Premiere Li Leqiang.
Inaasahan din na dadalo si Duterte sa Leaders’ Rountable Discussions, na gagawin din bukas.
Sinabi ng DFA na inaabangan mismo ng presidente ang pakikipag-palitan ng mga ideya sa mga kapwa lider lalo na sa usapin sa ekonomiya.
Sa opening ceremony ng Belt and Road Forum, hindi nakapunta si Duterte habang present naman si Chinese President Xi, Russian President Vladimir Putin at Myanmar State Counsellor Aung San Suu Kyi.
Pero kahit hindi nagpakita sa opening ceremony, aattend umano si Duterte sa gala dinner at cultural event.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.