Bilang ng mga Pilipinong naniniwalang matutupad ang mga pangako ni Duterte, nanatiling mataas

Sa nalalapit na ika-1 taon bilang pangulo, nananatiling mataas ang bilang ng mga Pilipinong naniniwalang tutuparin ni Pangulong Rodrigo Duterte ang mga ipinangako noong kasagsagan ng 2016 elections campaign.

Batay sa Social Weather Stations (SWS) survey, 1 sa 2 Pilipino o 53 percent sa 1,200 respondents ang inaasahang maisasakatuparan ang lahat o karamihan sa mga pangakong plataporma ni Duterte.

Gayunman, bumaba ito mula sa 63 percent ng June at 56 percent ng September noong nakaraang taon.

Kasunod nito, tumaas naman sa 47 percent ang nagsasabing iilan lamang o walang magkakatotoo sa mga ito.

Tumaas naman ng 13 points sa Mindanao ang optimism rate ng Punong Ehekutibo habang nabawasan naman sa Luzon at Visayas.

Samamtala, mayroong +/- three percentage points ang isinagawang survey mula March 25 hanggang 28.