Nasawi ang isang driver ng Mindanao Star bus matapos siyang pagbabarilin ng dalawang hindi pa nakikilalang mga suspek sa North Cotabato.
Kinilala ang driver na si Jessie Taray, na residente ng Brgy. Malasila, Makilala, North Cotabato.
Ayon sa mga pulis ng Makilala, sumakay sa bus na minamaneho ni Taray patungong Davao City ang dalawang suspek sa nasabing bayan.
Base sa pahayag ng mga testigo, biglang pumara ang dalawang suspek pagdating sa Barangay Malasila, at nang daanan nila ang driver, isa sa kanila ang naglabas ng cal. .45 na baril at pinaputukan sa ulo si Taray.
Ayon pa sa mga nakakita, maaring mga propesyunal na guns-for-hire ang mga suspek, na tumakas sakay ng naka-abang na motorsiklo.
Hinala naman ng mga pulis, personal na galit ang naging ugat ng pagpatay sa driver.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.