Anti-drug campaign ng gobyerno salig sa U.N protocol ayon sa PAO
Ipinagtanggol ni Public Attorney’s Office (PAO) Chief Persida Acosta si Pangulong Rodrigo Duterte sa kanyang mahigpit na kampanya laban sa iligal na droga.
Tahasan ding pinabulaanan nitong mayroong umiiral na state-sponsored killings sa mga drug personalities kasabay ng pahayag na ang ginagawa ni Pangulong Duterte ay sang-ayon umano sa United Nations Organizations on Drugs and Crimes (UNODC).
Sinabi ni Atty. Acosta, walang intensyon ang estado na patayin ang sinumang drug user o trafficker kundi ang gusto ng administrasyon ay magkaroon ng social justice at pagtupad sa rule of law.
Kung paniniwalaan daw ang sinasabing state-sponsored killings ay wala na silang kliyenteng hinahawakan.
Kasabay nito, ipinagtanggol din ni Acosta ang ginagawang pagpatay ng mga pulis sa mga umano’y lumalabang suspek dahil pinapayagan daw sa Revised Penal Code ang paggamit ng kaukulang puwersa sa oras na malagay sa panganib ang buhay ng mga pulis o alinmang law enforcement officer.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.