Bangko Sentral ng Pilipinas may bagong gobernador

Itinalaga ni Pangulong Rodrigo Duterte bilang bagong Bangko Sentral Governor si Deputy Gov. Nestor Espenilla.

Papalitan ni Espenilla si outgoing Gov. Armando Tetengco na dalawang terminong naglingkod bilang pinuno ng BSP.

Ang appointment ni Espinella ay inanunsyo ng pangulo sa 15^th cabinet meeting na ginanap sa Malacañang.

Bukod kay Espinella ay naging contender rin sa top BSP post sina Deputy Gov. Diwa Gunigundo, Monetary Board Member at dating Trade Sec. Peter Favila at East-West Bank President Antonio Moncupa.

Sinabi ni Finance Sec. Carlos Dominguez na ang pagpili ng bagong BSP governor ang isa sa mga importanteng appointment na ginawa ng pangulo.