Pinayagan na ng FIFA ang Argentinian team captain na si Lionel Messi na makapaglaro sa susunod na tatlong World Cup qualifiers.
Ito’y matapos maalis ang kaniyang pagkaka-ban dahil sa pang-iinsulto sa isang assistant ng referee.
Nai-serve na ni Messi ang isa sa apat na match ban na ipinataw sa kaniya ng FIFA disciplinary committee.
Ayon sa FIFA, itinuring ng kanilang appeal committee ang naging ugali ni Messi bilang “reproachable” dahil sa pagmumura nito sa isang linesman noong March 23.
Gayunman, nagdesisyon rin ang panel na hindi sapat ang ebidensya para ipatupad ang suspensyon kay Messi.
Sa kanilang pahayag naman, iginiit ng FIFA na binibigyang halaga nila ang paggalang sa mga match officials, at na hindi katanggap-tanggap ang anumang kilos na tataliwas sa pagiging sport ng mga manlalaro.
Sasabak ang Argentina sa sunod na World Cup qualifier sa Urugay sa August 31.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.