Aguirre, posibleng mag-inhibit sa Espinosa slay case
Ikinokonsidera ni Justice Sec. Vitaliano Aguirre II na mag-inhibit sa kaso ng mga pulis na inaakusahang pumatay kay Albuera, Leyte Mayor Rolando Espinosa at isa pang inmate sa loob ng selda noong Nobyembre 5.
Ayon kay Aguirre, posibleng mag-inhibit siya sa kaso matapos ipabaliktad sa kanya ni Supt. Marvin Marcos at iba pang akusado ang resolusyon ng prosekusyon na nagresulta na sa pagkakasakdal sa kanila.
Hanggang ngayon aniya ay wala pa siyang itinatalaga na undersectary na hahawak sa petition for review.
Naging dahilan ang petition for review na inihain sa Office of the Secretary of Justice noong April 5 para masuspinde ang pagdinig sa Baybay City Regional Trial Court Branch 14 kung saan ang mga akusado ay nahaharap sa mga kasong murder, malicious procurement of search warrant at perjury.
Itinakda ang arraignment ng mga akusado sa June 7.
Namatay si Espinosa at ang kapwa inmate na si Raul Yap matapos umanong makipaglaban sa mga pulis na nagsisilbi ng seacrh warrant sa loob ng Leyte Sub-Provincial Jail sa Baybay City noong November 5.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.