Pangungunahan nina Sen. Alan Peter Cayetano at Deputy Executive Secretary Menardo Guevarra ang delegasyon, na kabibilangan din ng mga kinatawan mula sa Presidential Human Rights Committee, Deputy Speaker of the House, Departments of Foreign Affairs, Justice, Health, Interior and Local Government, Social Welfare at Labo.
Kasama rin sa delegasyon ang mga kinatawan ng PDEA, PNP, AFP at iba pang ahensiya ng gobyerno.
Bukod sa estado ng karapatang pantao sa bansa, ipapaliwanag din ng grupo ni Cayetano ang mga naging hakbangin para matupad ng Pilipinas ang mga obligasyon sa walong pandaidigang tratado na niratipikahan nitong mga nakaraang taon.
Binanggit pa ni Cayetano na sasakupin ng kanilang presentasyon ang limang taon ng nakalipas na administrasyon at ang 10 buwan ng administrasyong-Duterte.
Aniya, magandang pagkakataon na ito para maliwanagan ang international community sa mga napapaulat na pang-aabusong nagaganap sa Pilipinas gayundin ang mga hamon kinahaharap sa pagpapatupad ng batas at sa sistema ng hustisya sa bansa.
Huling nakibahagi ang bansa sa universal periodic review noon pang 2012.