Personal na bumisita si PNP Chief Dir. Gen. Bato Dela Rosa sa blast site sa Quiapo, Maynila.
Ayon kay Dela Rosa, ‘isolated case’ lamang ito ng ‘gang war’ at walang kinalaman sa ginaganap na ASEAN Summit dito sa Pilipinas.
Tiniyak rin ng PNP Chief na walang dapat ikabahala ang lahat kaugnay ng seguridad ng publiko.
Ayon kay NCRPO Chief Oscar Albayalde, isang ‘home-made’ na ‘pipe bomb’ ang pinasabog sa naturang peryahan.
Isinantabi rin ni Albayalde ang posibilidad na may kaugnayan ang naganap na pagsabog sa isinasagawang ASEAN Summit dito sa Maynila.
Ayon kay Albayalde, masyadong maliit ang ginamit na bomba, at wala namang masyadong naging pinsala sa ari-arian, kundi doon lamang sa mga biktimang malapit rito.
Aabot sa 11 katao ang sugatan, kabilang ang lima na nagtamo ng matitinding tama sa katawan.
Dinala ang mga biktima sa iba’t ibang ospital, kabilang ang Philippine General Hospital, Manila Doctors Hospital, Mary Child Hospital at Ospital ng Sampaloc.
Inaalam pa rin hanggang sa ngayon ang pagkakakilanlan ng mga biktima.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.