Safety advocacy group, may paalala sa paggamit ng aquatic toys

Dahil long weekend at maaaring marami ang magpupunta sa beach at pool resorts, may paalala ang Ecowaste Coalition sa paggamit ng mga aquatic plastic toys.

Sinabi ni Thony Dizon, coordinator ng grupo, ang dapat bilihin ng mga magulang ay ang mga toxic free swimming toys.

Aniya maraming inflatable toys ang nagtataglay ng phthalates na nakakasama sa kalusugan.

Sinabi pa ni Dizon na dapat na sundin ang abiso ng Food and Drug Administration sa pagbili ng mga aquatic toys.

Dagdag pa nito na kailangan pa rin ang ibayong pag iingat sa paggamit maging sa toxic free inflatable toys dahil delikado pa rin ito at maaaring maging sanhi ng pagkalunod.