Kaugnay ng idaraos na 30th Association of South-East Asian Nation(Asean) Summit sa Pilipinas, magpapatupad ang Asean Secretariat at Metro manila Development Authority (MMDA) ng traffic rerouting scheme mula Abril 26- 29, 2017 sa ilang lugar sa Pasay at Makati.
Partikular na maapektuhan ng rerouting ang Sen. W. Diokno Blvd., Jalandoni St., V. Sotto St., Bukaneg St. at A. Dela Rama St. sa Pasay City.
Makakaranas naman ng traffic disruption ang kahabaan ng Arnaiz Ave., Makati Ave. at Parkway Drive sa Lungsod ng Makati.
Ang mga nasabing kalsada ay pansamantalang ituturing na ASEAN lanes.
Ang buong Cultural Center of the Philipines (CCP) Complex ay idineklarang ‘Asean Delegates Only’ Zone.
Kaugnay nito, nagpaalala ang MMDA sa mga motorista na asahan ang masikip na trapiko sa mga nasabing lugar at gumamit ng alternatibong ruta para nakaiwas sa abala.
