Ayon kay Sr. Supt. Chiquito Malayo ng PNP CITF, sasampahan ng kasong extortion ng CITF si SPO1 Gomercido Digma ng San Mateo police.
Ayon sa reklamo, nangikil umano si Digma nang limang libong piso sa magkasintahan complainant para hindi nito ipakalat ang sex video ng dalawa.
Nakuha ito sa cellphone ng lalaki na nauna nang inaresto dahil sa kasong reckless imprudence.
Kahapon ng madaling araw, nagkasa ng entrapment operation ang CITF sa Marikina City kung saan nasakote si SPO1 Digma habang iniaabot ang 5 libong marked money.
Nang akmang tatanggapin na ang pera, dito na inaresto ang naturang pulis.