P1.6B, inilaan ng pamahalaan para sa pagpapaunlad ng Pag-asa Island
Inatasan ni Pangulong Rodrigo Duterte si DND Sec. Delfin Lorenzana na bisitahin ang Pag-asa Island, municipality ng Kalayaan, Palawan, upang inspeksyon ang isla para mga ikinakasang proyekto.
Ayon kay Sec. Lorenzana, may nakalaan ng 1.6 bilyong pisong budget para sa pagpapagawa at improvement ng isla
Ayon kay Lorenzana, uunahin na ipagawa ang beach ramp na landingan ng mga barko para na rin sa supplies ng mga sundalo na nagbabantay sa isla at mga residente.
Plano rin na ipagawa ang runway ng Pag-asa na hindi magamit at isinasara kapag pumatak ang ulan.
Paliwanag ni Lorenzana, gusto umano ni Duterte na makapasok at makabisita maging ang mga turista sa isla na inookupa ng karamihan ay mga sundalo at kakarampot na mga sibilyan.
Magdadagdag din ng iba pang pasilidad ang gobyerno para naman madevelop o mapag-ibayo ang marine research.
Maliban dito, aayusin na rin ang sewage system sa isla para maging maayos umano ang disposal ng dumi ng tao at hindi itapon na lamang sa dagat.
Ipapagawa at pagagandahin din ng pamahalaan ang tirahan ng mga sundalo.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.