Russian Navy, bibisitahin ni Pangulong Duterte

Personal na bibisitahin mamayanag 2:45 ng hapon ni Pangulong Rodrigo Duterte ang Russian Guided Missile Cruiser “Varyag”.

Ang Pacific Fleet ng Russian Navy na nakadaong sa Pier 15 sa Port of Manila.

Ito na ang ikalawang pagkakataon na nagkaroon ng goodwill visit ang Russian Navy sa Pilipinas.

Matatandaang nitong Enero, dumating din sa bansa ang Russian anti-submarine ship Admiral Tributs.

Binisita rin ng pangulo ang naturang barko at inimbitahan pa ang kapitan na dalas-dalasan ang pagdaong sa bansa.

Sa susunod na buwan inaasahang magtutungo ang pangulo sa Russia para paigtingin pa ang defense at bilateral telations ng dalawang bansa.