Mga kaso laban kay ex-Makati Mayor Junjun Binay, nakitaan ng probable cause ng Sandiganbayan

Nakatakdang basahan ng sakdal ng Sandiganbayan si dating Makati City Mayor Junjun Binay, kaugnay sa kaso nito ukol sa umano’y overpriced na Makati City Parking Building.

Matapos makitaan ng probable cause ng anti-graft court 3rd division ang graft at falsification cases nito.

Ang petsa ng arraignment ay sa May 18, 2017, 1:30 ng hapon.

Samantala, hindi na nag-isyu ang Sandiganbayan ng arrest warrant laban kay Binay at mga kapwa akusado nito.

Matatandaan na naglagak na ang dating alkalde ng piyansa.

Nag-ugat sa umano’y anomalya sa pagpapatayo ng Makati City Parking building na nagkahalaga ng mahigit P2 Billion ang kaso ni Binay.

Pareho lamang din ng kinakaharap na kaso si dating Vice President Jejomar Binay.