Binigyan ng Armed Forces of the Philippines (AFP) si Vice President Leni Robredo ng briefing tungkol sa Information and Security sa Camp Aguinaldo, Quezon City.
Ayon sa joint statement na inilabas ng AFP, Department of National Defense at Office of the Vice President, binigyang kaalaman si Robredo tungkol sa mga kakayanan ng AFP ngayon, pati na ang mga pagsubok sa seguridad na kinakaharap nila sa bansa.
Dito rin ipinakita ng AFP kay Robredo ang patuloy nilang paninindigan na panatilihin ang kapayapaan, kaunlaran at seguridad sa bansa.
Ibinigay naman ni Robredo ang kaniyang buong suporta sa mga uniformed personnel ng AFP pati na sa mga sibilyang empleyado nito, kasabay ng pagsasabi na kuntento siya sa mga nagagawa at nakakamit ng Hukbong Sandatahan.
Tiniyak naman ni Defense Sec. Delfin Lorenzana ang patuloy at walang humpay na pagiging matapat ng AFP sa Saligang Batas at sa mga otoridad.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.