Nagbanta ang urban poor group na Kadamay o Kalipunan ng Damayang Mahihirap na maglulunsad sila ng pambansang protesta.
Ito’y para kalampagin at hilingin sa pamahalaan na ipa-mahagi sa mga mahihirap at walang bahay ang mga naka-tiwangwang na lupa sa bansa.
Sa isang statement, sinabi ng Kadamay na dapat ay malayang ipamigay ng National Housing Authority ang mga hindi naman natitirhang pabahay para sa mga tunay na nangangailangan.
Umapela din ang grupo sa gobyerno na tutukan ang problema sa mga housing projects sa halip na paalisin at i-demolish ang bahay ng mga “informal settlers,”
Dagdag pa ni Kadamay Chairperson Gloria “Ka Bea” Arellano, milyon-milyon ang mga Pilipino sa buong bansa ay walang sariling tahanan at nanganganib na ma-demolish ang kanilang tirahan.
Sa pagtaya ng Kadamay, nasa 53-thousand na mga idle housing units sa animnapu’t isang lugar sa Metro Manila at sa probinsya na inilaan para sa mga sundalo at pulis ang hindi naman natitirhan.