1,000 residente nasunugan sa Bacoor, Cavite

 

Umabot sa higit isanlibo katao ang naapektuhan ng malaking sunog na tumupok sa mga kabahayan sa Bacoor City sa Cavite, Miyerkules ng hapon.

Partikular na tinupok ng apoy ang tinatayang aabot sa 600 mga kabahayan sa Barangay Maliksi 3.

Nagsimula ang sunog dakong alas 4:30 ng hapon, at ganap lamang naapula makalipas ang higit-kumulang limang oras.

Dahil sa gawa sa light materials ang mga bahay sa lugar, mabilis na kumalat ang apoy sa lugar.

Agad namang nagpulong ang City Disaster risk reduction and Management Council ng lungsod upang mabigyan ng tulong ang mga naapektuhang pamilya.